求黄子华栋笃笑金句

求黄子华栋笃笑经典语录~

黄子华栋笃笑经典语录如下：
1、有恩不报未算差.....有仇不报正人渣....
2、损人不利己,不如跳井死。
3、处男系无资格自杀嘅！
4、错就要认！要对方认！
5、饮得high high地，不如返屋企。
6、若要人不知，唔好甘低B。
7、江湖一滴血，不对外人说，如对外人说，日夜流鼻血。

扩展资料：
黄子华，1960年9月5日出生于中国香港，演员、主持人、编剧、歌手，香港栋笃笑创始人。毕业于加拿大阿尔伯塔大学，获哲学学士学位。
1984年进入无线电视的编剧训练班，后加入香港话剧团、商业电台，在香港电台《特写青春》、《性本善》节目里担任主持人，并兼任编剧。
1990年，黄子华以独创的表演形式栋笃笑《娱乐圈血肉史》开始栋笃笑的创作。1992年自编自演《神算》踏入电影圈。1999年，参演首部电视剧《状王宋世杰Ⅱ》。2000年，与郑裕玲主演的处景喜剧《男亲女爱》夺得TVB万千星辉颁奖典礼“最佳剧集”，最高收视率50点。
2006年开始进行栋笃笑世界巡回演出；2010年，首次登上香港红馆开启栋笃笑《娱乐圈血肉史Ⅱ》世界巡回演出 。
2013年12月16日，黄子华凭借《My盛Lady》夺得万千星辉颁奖典礼最佳男主角 。
2018年黄子华主演电影《栋笃特工》在香港上映，票房超四千万。
参考资料：百度百科-黄子华

子华所有栋笃笑都系金句！！！

情窦未开
o系我第一次恋爱之前，我认为自己就系杨过。
而我同书里面既杨过唯一唔同既地方，就系佢有一只大雕。
而我o个阵，就钟意谂呢个相思多D。
同杨过一样，我从来都冇谂过要考第一既。
我只需要爱情，只要我搵到我既小龙女，我就可以抛弃学业，退隐山林，搬入新界住。
但系我一定要住出班西班牙别墅，我唔住得村屋，我怕蛇虫鼠蚁。
然后每个月至多出一次市区，不过我唔会逗留得耐，问阿妈罗完零用钱我就会番番入去。
冇错，基本上，我由中一至中五都系o系呢种咁超然既思想下度过。
当时学校最流行既辩论题目系：中学生应否谈恋爱？
我认为，我地应该辩论既系「中学生应否读书？」
而o系我第一次恋爱之前，我既小龙女只需要有一个条件，就系靓，我知道我咁谂系好幼稚，但当时我年纪小，唔知道原来身裁都好重要。

性
圣人话：「食色性也！」
食同色，好唔同！
一个人无论几钟意食，会唔会俾几十蚊入戏院睇套「蒸气腾腾小龙包」？
一个人无论几钟意食，又会唔会为左望住一旧冇野包住既牛肉望到俾车撞？

赶绝
细路仔都有性需要，但系唔会讲出黎。
因为佢知道，性呢样野，唔可以讲！
因为佢知道，如果佢俾人叫做反斗星，顽皮仔，马骝仔，其实系变相咁俾人赞紧佢聪明仱俐。
但系如果你叫佢做咸湿仔，你就即系赶绝佢。
唔信可以番公司试下：「林小姐，我介绍位新同事你识呀，呢位咸湿仔。」
读书
我读咁多年书，从来冇一个老师话过俾我听，读书系为乜。
但系我自己识谂，我终於想通：读书系为左升班。
但系后来有个阿sir同我地班同学讲左句野，又令我再谂过。
有一日，佢同我地讲：「你地成班都唔掂，不如你地成班申请留班读好D书啦！」
我读书系为左升班，依家留班系为左读好D书...？

自重
当乜野人都唔搵我做野，我就知道，我系一个伟大既艺术家，在生既时候系唔会获得应得既尊重。
唔止咁，我仲伟大过伟大既艺术家，因为我知道，我死后都不会受到尊重。

红馆
依家做歌星，好犀利，因为有红磡体育馆。
因为呢样野，做歌星，可以o系一晚，就赚晒你地朝九晚五一世人都搵唔到既钱！
D人话，我真系唔明张国荣点解要退休，佢一晚已经搵左你一世搵既野，佢一晚已经做
左你一世人要做既野，仲有乜野可以做？
唔退休做乜？
做五场。已经轮回五次！
做三十场，轮回三十次，如来佛祖都话：驶唔驶？
D人话，唔系既，佢唔舍得退休既！佢最后o个场演唱会，佢自己都喊。
佢系喊，不过唔系为自己喊，系为左你地喊呀：
「我就退休la，我听日就唔驶DO o勒。你地听日仲要番九点，唔好迟到呀！」

失恋
失恋系会令人成长既。
我失恋之前，一向都觉得世界上所有问题都有答案。
点解我地每日都要8点钟起身返工呀？
因为够钟罗。
点解我地有够钟呢样野呀？
因为我地唔用浮动上班时间罗。

点解呢个世界有战争？
因为我地有武器罗。
咁点解我地要有武器呀？
因为佢地有武器罗。

一切都有答案，直到我失恋。
阿珍，点解你唔爱我？
阿珍比左一个经典既答覆我，佢话：爱情系冇点解gar，系唔可以解释gar，唔好问啦。
如果番学阿sir问我野都可以咁答就好o勒！
黄子华，物体燃烧点解需要氧气呀？阿sir，系冇点解gar，系唔可以解释gar，唔好问啦！
泳池
黄：去公众泳o个D唔系叫做游水，o个D叫做浸水。
因为o系公众泳池游水，只可以用一种泳式，就系弹式，同一个位，弹下弹下。
张：如果系高手可以用四式，但系要潜落水底o个度用。
黄：点解D泳池有咁多人？
张：唔好问呀，趁人多你好快D浸下，等阵所有人上晒水o个阵，你就会发觉，个池D水原来到膝头哥咋！
黄：其实我地香港人都习惯左人多，去浸下水都好，但系可惜既系，呢D水，唔系一般水，呢D系暖水，成日有D友仔，企o系个泳池度，全身唔郁，眼碌碌！
张：下，o系度屙尿咁冇公德心！
由细到大我爸爸都教我，急尿，去隔离池丫o麻！
黄：所以我系度，趁呢个机会，同你Do靓仔讲呀！
游游下小童池走黎游大池，擒o系个池边，唔好话我听系学游水呀！
张：特别系擒正o系喷水口o个D呀！
想毁尸灭迹呀？！

金劳
点解要带金劳？唔带劳，有乜资格同人讲，时间系宝贵？我既时间点值钱？
o拿，支时针围住行一个圈，12个钟，十几皮野，即系为皮几野一个钟。
你一个钟值几钱丫？几旧水？我点同你一齐食饭呀，大家时间观念咁唔同！
唔单止咁，你带劳，表示你个人有幽默感。
劳力士，有边个靠劳力搵食既人带得起劳力士丫？
越带劳力士既人就越表示佢唔驶用劳力！呢D，就叫做幽默啦。

菲佣
香港有几多菲佣？
你睇下香港有几多人生仔就知。
D人生仔，一定要有菲佣，到一个地步，生仔冇老婆唔紧要，但系冇菲佣就唔得。
所以有D人觉得，同个菲佣生一个，咁就最一举两得。

世界和平
呢个世界，乜野国家地域主权，其实同去厕所冇分别。
甲：喂，边个o系里面呀，出黎啦。
乙：我黎先gar！
甲：喂，比我入黎丫，一齐丫。
乙：黐线，用厕所都有得一齐？
冇错，如果人类可以习惯一齐用一个厕所，呢个世界就唔会打仗。
啊，你要入黎呀？等等，我坐过D，你坐前面，疴唔疴到？

性教育
有关性教育，父母唔识教，示范识唔识？
佢地识，但系冇机会示范，因为每晚一到示范时间，爸爸就会话：九点啦子华，仲唔去训？
九点就叫我去训？你估我系农夫呀？
可能佢地其实唔介意示范，不过唔知道我有咁既需要？唔知？
我日日睇姊妹杂志，真系为左睇时装呀？
唔知！根本大家心知肚明，不过诈作不知。
既然大家都咁虚伪，咁以后咪当屋企系社交圈子，大家客客气气咪算罗。
－－爸爸，家母问你今当晚番唔番黎食餐便饭喎？
－－阿妈，你先生话家常便饭唔好打搅你喎。
－－阿细妹，令尊叫你落街买份报纸，点解唔叫我？
我系令兄，信唔信令兄掴令寿堂个千金呀？

共产主义
我有400蚊，做得同志，冇理由唔罗出黎大家分左佢咁衰仔系咪先？
好la，400蚊4个同志分，每人有一旧水。
依家我400蚊分俾12亿个同志，每人有几多？
你叫马克思心算丫，我包佢唔识计！
共产主义唔系话唔好，你成个国家都系得4个人咪几好罗！
仲要系最好其它o个三个人都有钱过你！

银行存款
一个银行存款得4位数字既人同一个患左绝症既人系冇分别。
大家都系得几个月命！
我觉得呢D人可以去申请入院，姑娘问：乜病呀你？
姑娘，我死la，我谂我有左四位数字！
D人话，吸烟危害健康，梗系啦，一包烟几廿皮，食十包，冇左几旧水，唔短几日命？
根本乜野都危害健康。睇戏又危害健康，KaraOK又危害健康。
Shopping？唔好la，上年shop过一次，差D过唔到年！

赌马
喂，赌马系需要付出好多gar。
朝早要睇晨操夜晚要睇董镖，又要同朋友交换读书报告。
你估我地睇得书少？市面几多马经呀？
仲唔系话你睇得多就得gar喎！
香港D马经，一场十只马，十只马都有人贴，你自己思想唔够独立咁你就死梗la：
唔该，呢场每只帮我落100蚊丫！希望中la！
夏天黎la，抖暑la，你估系俾D马休息咩？系俾我地休息呀！

邓小平
乜野股票大鳄都唔系最可怕，o个o个谣传患左睾丸癌既先至可怕。
连D大鳄入市之前都要问声佢：你个睾丸冇事丫o麻？
全世界仲有边个股票市场好似香港咁，系睇住一个人既古古黎运作gar？
联交所每日开波之前，都要全部一齐祈祷：愿他的古古永远长存，阿门。
然后先至可以开市！
但系佢既古古可以长存几耐，边个知呀？
而事实上，佢家下仲有冇古古我地都唔知啦。
唔好误会呀，我唔知几希望，最好家下有个女仔 o系中南海走出黎，话俾佢污辱左。
咁就即系话佢既古古仲好健康。

1. 人要是有钱有势，还能变成傻子吗？ 2. 世界上最遥远的距离，不是生与死，而是你站在我面前，却不知道我爱你。 3. 我们常常没有听到别人对我们的赞美，是因为我们对自己的要求太高了。 4. 身在江湖，心存世外，这是成大事的基本条件。 5. 人生就像一场旅行，有时候你会迷路，但迷路也是一种收获。 6. 爱情就像海洋，它需要激情、温柔、包容，但最重要的是互相信任。 7. 生命中最大的幸福就是，你喜欢的人也喜欢你。 8. 人生是一次漫长的旅程，我们需要的不仅是勇气和毅力，还需要一颗智慧的心。 9. 别总想着遇到那个人，而是要做自己喜欢的那个人，那样才能更容易遇到那个人。 10. 做人就像是在走钢丝，需要保持平衡，要懂得放弃一些不重要的东西，才能走得更好。

以投资界来讲，一个人如果到了60岁，他前半生做过的事做错晒，他是不应该由头再来的嘛，因为由头再来的风险是很高的嘛，他应该乖乖地坐在那里等死，因为等死的风险很低嘛，因为等死，你实等到嘎…

---

求黄子华栋笃笑金句视频